माण्डवी गाउँपालिका प्यूठानको आयोजना बहुक्षेत्रीय पोषण कार्यक्रम अन्तर्गत गाउँपालिका स्तरीय सामुदायिक तथा संस्थागत विद्यालयका फोकल शिक्षकहरुका लागि स्वास्थ्य पोषण र सरसफाई सम्बन्धी अभिमुखीकरण कार्यक्रम सम्पन्न भएको छ। 

गाउँपालिका अन्तर्गतका २६ वटा सामुदायिक र २ वटा संस्थागत गरी २८ विद्यालयका फोकल शिक्षकहरूलाई स्वास्थ्य पोषण र सरसफाई सम्बन्धी क्षमता अभिबृद्धि गरी  बालबालिकाहरूको शारीरिक, मानसिक, संवेगात्मक र शैक्षिक स्तर विकास गर्ने उद्देश्यले कार्यक्रम सञ्चालन गरिएको थियो।   विद्यालयमा शौचालय, स्वच्छ पिउने पानी, साबुन पानीले हात धुने र महिनावारी भएका बालिकालाई सरसफाइका सुविधाको ब्यवस्था, बिद्यालय दिवा खाजामा आइरनयुक्त आहार सुनिश्चित , घर तथा विद्यालयमा करेसाबारीको प्रवर्धन,शिक्षा क्षेत्रमा पोषण तथा सरसफाईको महत्त्व , विद्यालय स्वास्थ्य तथा पोषण जाँच तालिका तयार गर्ने र प्रयोग गर्ने,  बिद्यालयमा किशोरीहरुलाई जीवनपयोगी सीप र पोषण बिषयमा स्वास्थ्य शिक्षा , विद्यालय तथा प्रारम्भिक वालविकास केन्द्रमा, पोषण कर्नर, हात धुने स्थानको स्थापना,शौचालय तथा खानेपानीको सुनिश्चिता, बालमैत्री शिक्षा र बालबालिकाको पोषण सुधारको लागि शिक्षक, बिद्यार्थी र अभिभाबक बीच अन्तरक्रिया, स्थानीय विद्यालयको पाठ्यक्रममा जीवनपयोगी शिक्षा, पोषण व्यवहारमा सुधार,महिला शिक्षिका र किशोरीहरुलाई स्यानेटरी प्याड निमार्ण, महिनावारी व्यबस्थापन सम्बन्धी अन्य विभिन्न विषयवस्तुहरूको बारेमा स्वास्थ्य कार्यालय प्यूठानका जनस्वास्थ्य अधिकृत पुष्कल श्रेष्ठले प्रशिक्षण दिनुभएको थियो ।