नेपाल सरकारको निर्णय अनुसार मिति २०७३/११/२२ गते साविक गाविसहरु उदयपुरकोट(१-९) समेटेर वडा नं. ४  कायम गरिएको हो । ३१.३७  वर्ग कि.मी क्षेत्रफल रहेको वडा नं. ४  मा कुल जनसंख्या ३१५५ रहेको छ । शैक्षिक हिसाबमा यस वडामा १ वटा मा.वि र ५ वटा प्रा.वि  गरि ६  वटा शिक्षण संस्थाहरु संचालित छन । त्यसै गरि यस वडामा १ वटा स्वास्थ्य चौकी रहेको छ । लगातार १७ पुस्ता सम्म नेपालमा एक मात्र ब्राह्मण राज्य संचालन भएको प्युठान उदयपुरकोट राज्य दरबार यसै वडामा पर्दछ । यो दरबार करिब १५०० मिटरभन्दा  बढी उचाइमा पर्ने लेक भएकाले सुन्दर हावापानी छ । यस वडाबाट प्युठानको प्रसिद्द तिर्थस्थल स्वर्गद्वारी आश्रम यहि पर्वत शृंखलाको करिव १५ कि.मीको दुरीमा पर्दछ ।