माण्डवी गाउँपालिका प्यूठानको आयोजनामा जनप्रतिनिधिहरुलाई महिला अधिकार , लैङ्गिक हिंसा र घरेलु हिंसा  सम्बन्धि अभिमुखिकरण कार्यक्रम आज सम्पन्न भएको छ । महिला अधिकारका लागि संविधान प्रदत्त अधिकार तथा कानुनमा भएका पछिल्ला परिवर्तन बारे जानकारी र समाज, सम्मानित जीवन परिवारभित्र सदभाव संवर्द्धन गरी हिंसा न्यूनीकरण गर्ने संयन्त्रको विकास गर्ने तथा समाजमा देखिने  हिंसा न्यूनीकरणमा जनप्रतिनिधिहरुले खेल्नुपर्ने भूमिका सम्बन्धी विषयवस्तुहरू समेटिएर  संचालन गरिएको कार्यक्रममा गाउँपालिका अध्यक्ष, उपाध्यक्ष, प्रमुख प्रशासकीय अधिकृत, वडा अध्यक्ष, कार्यपालिका सदस्य, वडा सदस्य लगायतको सहभागिता रहेको थियो । दुई दिनसम्म चलेको कार्यक्रमको प्रशिक्षकमा पार्बता आचार्य र बिरेन्द्र प्रकाश खडका रहनुभएको  थियोे भने कार्यक्रमको सञ्चालन महिला बालबालिका शाखा प्रमुख सिता गौतमले गर्नुभएको थियो ।