समाचार
माण्डवी गाउँपालिकाको आ.व. २०७७/०७८ दोश्रो चौमासिक सार्वजनिक सुनुवाई कार्यक्रम
माण्डवी गाउँपालिकाले सार्वजनिक सुनुवाई कार्यक्रम सम्पन्न गरिएको छ । गाउँपालिकाले आर्थिक बर्ष ०७७/०७८ को दोश्रो चौमासिक सम्म सम्पादन गरेको कामको प्रगति, त्यसको प्रभावकारीता तथा नागरिकको सन्तुष्टी तथा गुनासो सुनुवाई गर्ने उदेश्यका साथ सार्वजनिक सुनुवाई कार्यक्रम आयोजना गरिएको हो ।
गाउँपालिकाले वर्षभरी गरिएका योजना तथा प्रदान गरिएका सेवाको पादर्शीता सुनिश्चीत गर्नका लागी गाउँपालिकाले प्रत्येक वर्ष सार्वजनिक सुनुवाई गर्ने गरेको छ। गाउँपालिकाका अध्यक्ष श्रीधर रोका ज्यूको अध्यक्षतामा संचालन भएको कार्यक्रममा प्रमुख प्रशासकीय अधिकृत शिसिर रिजाल ज्यूले गाउँपालिकाको आ.व. २०७७/०७८ को दोश्रो चौमासिक सम्म सम्पादन गरेका कामको प्रगति विवरण प्रस्तुत गर्नुभएको थियो ।
कार्यक्रममा गाउँपालिकाका उपाध्यक्ष, गाउँपालिका अन्तर्गत रहेका सरकारी कार्यालयका प्रमुख तथा प्रतिनिधि , सुरक्षा निकाएका प्रमुख तथा प्रतिनिधिहरु , जनप्रतिनिधी, कर्मचारी तथा सरोकारवालाका साथै स्थानीयको उपस्थिती रहेको थियो ।
कार्यक्रमको सहजिकरण पत्रकार प्रज्वल पहाडी र विजय सिं भारतीले गर्नुभएको थियो ।
कार्यक्रमका सहभागीले सेवा प्रवाहको गुनासो तथा विकास निर्माणका काम बारे प्रश्न तथा सुझाब दिएका थिए