"Fulfilling the promises of the universal declaration of human rights for older person: Across Generations ( सबै पुस्ताका लागि जेष्ठ नागरिककाे मानव अधिकारबारे विश्वब्यापी घोषणा गरिएका बाचाहरु पूरा गरौं) भन्ने मूल नाराका साथ माण्डवी गाउँपालिका सभाहल देवीस्थानमा जेष्ठ नागरिकहरुको प्रतिभा, ज्ञान, शिप एबं अनुभव आदानप्रदान गर्दै ३३ औं अन्तराष्ट्रिय जेष्ठ नागरिक दिवस मनाईएको छ ।
 माण्डवी गाउँपालिका अध्यक्ष श्री नमराज अधिकारी ज्यूको अध्यक्षतामा सम्पन्न भएको कार्यक्रममा गाउँपालिका उपाध्यक्ष पूर्ण प्रसाद कलाथोकी ज्यू, जेष्ठ नागरिक सञ्जालका पदाधिकारीहरु, गाउँपालिकाका कर्मचारीहरु, स्थानीय जेष्ठ नागरिकहरु लगायत अन्य सरोकारवालाहरुको उपस्थिति रहेको थियो । कार्यक्रममा गाउँपालिका अध्यक्ष नमराज अधिकारी ज्यूले जेष्ठ नागरिकलाई सम्मान नयाँ पुस्ताले गर्नुपर्ने र विगतका ज्ञान, शिप, कला र अनुभवहरू नयाँ पुस्ताले सिक्नुपर्ने बताउनु भएको थियो । उक्त कार्यक्रममा अध्यक्ष ज्यूले जेष्ठ नागरिकहरुलाई वाद्यबाजनका सामग्रीहरू हस्तान्तरण गर्नुभएको थियो ।
निमित्त प्रमुख प्रशासकीय अधिकृत श्री ध्रुव कुमार पोख्रेलको स्वागत मन्तव्यबाट शुरु गरिएको कार्यक्रमको सहजीकरण माण्डवी गाउँपालिका महिला,बालबालिका तथा जेष्ठ नागरिक शाखा प्रमुख सिता गौतमले गर्नुभएको थियो ।