युरोपियन युनियनको आर्थिक सहयोग पिपल इन नीड, सामुदायिक आत्मनिर्भर सेवा केन्द्र र सेभ द चिल्ड्रेनको सहकार्यमा यस माण्डवी गाउँपालिकामा संचालित प्रतिबद्ध तेश्रो परियोजनाको अवधारण, उद्देश्य, लक्षित समुदाय र कार्य सञ्चालन प्रक्रियाबारे जानकारी आदान प्रदान गर्ने उद्देश्यले परियोजनाको परिचयात्मक प्रारम्भिक बैठक माण्डवी गाउँपालिकाका अध्यक्ष नमराज अधिकारीको अध्यक्षतमा सम्पन्न भएको छ। कार्यक्रममा गाउँपालिका विपद् व्यवस्थापन समितिका सदस्य, गाउँ कार्यपालिका सदस्य, विषयगत शाखाका प्रमुख, प्रतिबद्ध तेस्रो परियोजनाका कर्मचारीहरूको उपस्थिति रहेको थियो । गाउँपालिकाको विपद् फोकल पर्सन बलराम पौडेलले सञ्चालन गर्नुभएको कार्यक्रमको सहजीकरण परियोजनाका कर्मचारी गोपाल कृष्ण बस्नेतले गर्नुभएको थियो ।