माण्डवी गाउँपालिकाको आयोजना र नेपाल पत्रकार महासंघ प्यूठानको समन्वयमा आ.व २०७५/०७६ को दोश्रो चौमासिक सार्वजनिक सुनुवाई कार्यक्रम सम्पन्न भएको छ |गाउँपालिका अध्यक्ष श्रीधर रोकाको अध्यक्षतामा सम्पन्न कार्यक्रममा गाउँपालिकामा क्रियाशील राजनितिक दलका प्रतिनिधिहरु, वडा अध्यक्ष सहितका जनप्रतिनिधिहरु, स्थानीय राजनितिक दलका प्रतिनिधहरु, स्थानीय संघ संस्थाका प्रतिनिधि र जिल्ला स्थित विभिन्न कार्यालयका प्रमुख तथा प्रतिनिधिहरु लगायत स्थानीय जनसमुदायको सहभागिता रहेको थियो ।उक्त सार्वजनिक सुनुवाई कार्यक्रममा माण्डवी गाउँपालिकाद्वारा प्रदान गरिने सेवा प्रवाह र योजना तथा कार्यक्रम संग सम्बन्धित विभिन्न विषयमाथि उठेका सबालहरु माथि अध्यक्ष श्रीधर रोका र प्रमुख प्रशासकीय अधिकृत शिसिर रिजालज्यूले आ-आफ्ना विषयहरुमा उठेका जिज्ञासा माथि जवाफ दिनुभएको थियो | साथै आफूहरुबाट भए गरेका कमिकमजोरीहरु सच्याई आगामी दिनमा अझ जिम्मेवार भइ जनताको सेवामा लाग्ने सार्वजनिक प्रतिवद्धता समेत गर्नुभएको थियो ।उक्त कार्यक्रमको सहजीकरण युथ मिडिया डेभलपमेन्ट सेन्टर ,नेपाल (सामुदायिक रेडियो कृपालु) ले गरेको थियो | सो कार्यक्रमको संचालन बिजय सिंह भारतीले गर्नुभएको थियो |