समाचार
माण्डवी गाउँपालिका ०३ लामाचौरमा सम्पन्न एक घर एक धारा खानेपानी आयोजनाको उद्घाटन कार्यक्रम
बुधवार माण्डवी गाउँपालिकाको वडा नं. ३ अन्तर्गत लामाचौर गाउँमा लामाचौर एक घर एक धारा खानेपानी निर्माण आयोजनाबाट निर्माण गरिएको धाराको उद्घाटन गरिएको छ | गाउँपालिकाका प्रमुख प्रशासकीय अधिकृत श्री शिसिर रिजाल ज्यू ले सो धाराको उद्घाटन गर्नुभएको हो |
गाउँपालिकाको १० लाख र जनश्रमदानबाट रु १ लाख २० हजार ७ सय बहत्तर रुपैयाँ ८७ पैसा गरि जम्मा ११ लाख २० हजार ७ सय बहत्तर रुपैयाँ ८७ पैसाको लागतमा यस क्षेत्रमा ८५ घर धुरीमा एक घर एक धारा खानेपानी निर्माण भएको हो | खानेपानीको सहज आपूर्ति भएपछी यस क्षेत्रका ३३७ जना र प्युठान सनराइज एकेडेमीका ३६० छात्राछात्र प्रत्यक्ष लाभान्वित हुने छन |
खानेपानीका लागि धेरै समय खर्चेर लामो लाइन बस्नुपर्ने बाध्यता हटेसंगै घर घरमा खानेपानीको धारा आएपछि स्थानीयबासीहरु खुशी भएका छन |
|