माण्डवी गाउँपालिका भित्र रहेका बचत तथा ऋण कृषि सहकारी संस्थाबीच अन्तरक्रिया कार्यक्रम सम्पन्न भएको छ | माण्डवी गाउँपालिकाको आयोजनामा गाउँपालिका क्षेत्र भित्र रहेका सहकारी संस्थाहरुसँग अन्तरक्रिया कार्यक्रम गरिएको हो | 
उक्त अन्तरक्रिया कार्यक्रममा गाउँपालिकाले तयार परेको सहकारी नीति ,संघीय सरकारले ल्याएको सहकारी नीति, ऐन , नियमावली तथा दर्ता प्रक्रिया जस्ता बिषयहरुमा छलफल गरिएको थियो | गाउँपालिकाले आगामी वर्षमा ल्याउने बजेट , नीति तथा कार्यक्रम कस्ट गर्ने जस्ता विषयमा छलफल गरिएको थियो | 
गाउँपालिकाका अध्यक्ष श्रीधर रोकाको प्रमुख अतिथ्यता कार्यक्रममा माण्डवी गाउँपालिकाका प्रमुख प्रशासकीय अधिकृत शिशिर रिजालले सहजीकरण गर्नुभएको थियो भने कार्यक्रमको संचालन स्वास्थ्य संयोजक ध्रुव पोख्रेलले गर्नुभएको थियो |