गाउँपालिका स्तरीय  सडक  गुरुयोजना सम्बन्धि  प्रारम्भिक छलफल कार्यक्रम, माण्डवी गाउँपालिका प्युठानमा सम्पन्न भएको छ l   सडकलाई व्यवस्थित गर्ने उद्देश्यले गाउँपालिका स्तरीय सडक गुरुयोजना निर्माण गरिने भएको हो । गाउँपालिकामा निर्माण गरिएका सडक अव्यवस्थित भएको, अनावश्यक ठाउँमा समेत सडक निर्माण गर्ने गरिएको लगायतका गुनासो आएपछि सडक गुरुयोजना निर्माण गर्न लागिएको हो ।सडक गुरुयोजनाले गाउँपालिकाका सडकको वर्गीकरण गर्ने, सडकको प्राथमिकता निर्धारण गर्ने, सडकको रुट पहिचान गर्ने, पहिचान भएका रुटको नाम र ठाउँ आवश्यकताअनुसार परिमार्जन गरिनेछ lसडक निर्माणमा अव्यबस्थित बजेट खर्च भएको गुनासो आएपछि गुरुयोजना निर्माण गर्न लागिएको हो । गुरुयोजनाले गाउँपालिकाका सडकलाई ४  तहमा वर्गीकरण गरेको छ । सडक गुरुयोजना निर्माण भएपछि अव्यवस्थित रुपमा खनिएका सडकलाई निश्चित मापदण्डमा ल्याउने र व्यवस्थित गर्न सहयोग पुग्ने विश्वास लिइएको छ । गाउँगाउँमा सडक लैजाने होडबाजीले कतिपय स्थानमा आवश्यकता पहिचानै नगरी सडक विस्तार गरिएको, सडक ग्रेड नमिलाई खन्दा सवारी आवातजावतमा समस्या उत्पन्न हुने गरेको छ । अव्यस्थित सडकका कारण बर्सेनि सवारी दुर्घटना पनि निम्तिने गरको छ । सडक  गुरुयोजनाका लागि विभिन्न चरणमा कार्यक्रमको आयोजना  गरि आगाडी बढाइने छ l सो कार्यक्रमको संचालन परामर्शदाता किशोर थापाले गर्नुभएको थियो l