माण्डवी गाउँपालिकाको आयोजनामा भाइब्रेन्ट मिडिया प्रा.लि.को प्रस्तुती रहेको बालविवाह न्यूनीकरणसम्बन्धी जनचेतनामुलक सडक नाटक २०७९ आज माघ २१ गते माण्डवी गाउँपालिका अन्तर्गत रहेको श्री अरुणा भवानिश्वरी प्रा.वि. माण्डवी -०१ कुमलटार, श्री गणेश मा.वि. माण्डवी -१ तिराम, श्री सुन्नानी आधार मा.वि माण्डवी -२, रातापानी र श्री गणेश आ.वि. माण्डवी -२, ढिकावनमा राष्ट्रिय कलाकार सुरबीर पण्डित (दारी बा) लगायतको टिमबाट प्रदर्शन गरिएको छ ।

बालविवाहको कारण बालक तथा बालिकाको शिक्षा, स्वास्थ्य र उनीहरूको जीवन तथा परिवारमा पर्न सक्ने असरको बारेमा विद्यालयका बालबालिकालाई जानकारी दिने उद्देश्यले सो सडक नाटक प्रदशनी गरिएको थियो ।

१ घण्टा १५ मिनेटको उक्त सडक नाटकमा विद्यालय जाने उमेरमा हुने प्रेम सम्बन्ध, त्यसमा परिवारको असहमति, प्रेम सम्बन्धले ति बालबालिकाको शिक्षामा परेको नकारात्मक असर र समग्रमा कलिलै उमेरमा आमा बन्दा बालिकाको स्वास्थ्यमा परेको दीर्घकालिन असर र त्यसको कारण बालिकाको मृत्यु भएको बारेमा सन्देश दिइएको थियो । साथै नाटकमा मध्यपान, धुम्रपान, सुर्तीसेवन र लाघुपदार्थ सेवनले जिबनमा पार्ने नकारात्मक असर बारेमा पनि सन्देश दिइएको थियो ।

कार्यक्रममा माण्डवी गाउँपालिका अध्यक्ष, उपाध्यक्ष, प्रमुख प्रशासकीय अधिकृत, कर्मचारी, वडा अध्यक्ष, वडा सदस्य, विद्यालयका शिक्षक, विद्यार्थी, वि.व्य.स. पदाधिकारी, स्थानीयबासीहरु लगायत अन्य सरोकारवालाहरुको उपस्थित रहेको थियो । नाटक पुर्व निर्धारित समय अनुसार आइतबार कामाक्षी मा.वि, उदयपुरकोट (बिहान १०-११:१५), ऐश्वर्य पा.वि डाडाकटेरी(१२:१५-१:३०), माण्डवी मा.वि. नयाँगाउँ(२:३०-३;४५) र माण्डवी गाउँपालिका ३ जस्पुर बजार चोक(४:१५-५:३०) मा प्रस्तुति रहेको छ ।