एक चक्की सिटामोलका लागि 2 घन्टाको पैदल हिड्ने ठाउँमा सामुदायिक स्वास्थ्य इकाई स्थापना भएपछी स्थानीय बासिन्दा खुशी भएका छन | माण्डवी गाउँपालिकाको दुर्गम मानिने ढिकावनमा सामुदायिक स्वास्थ्य इकाई स्थापना भएको हो  | गाउँपालिकाको आफ्नै लगानीमा सामुदायिक स्वास्थ्य इकाई स्थापना भएको हो | शुक्रबार आयोजित एक कार्यक्रममा गाउँपालिका अध्यक्ष श्री श्रीधर रोकाले उक्त सामुदायिक स्वास्थ्य इकाईको उदघाटन गर्नुभएको हो | उदघाटनमा बोल्दै उहाँले विकास भनेको बाटो मात्र बनाउनु नभई मानवीय विकासलाई जोडेर लैजान स्थानीय सरकार लागि परेको बताउनुभयो | ‘जनताको सहभागिताले मात्र दिगो विकास सम्भव छ, उहाँले भन्नुभयो , ‘सबै तहबाट हुने काममा जनतालाई सक्रिय सहभागी बनाउन लागि परेका छौ‘ |  ‘जनताको सुख-दुखमा सधै साथ रहेर काम गर्ने बताउनु भयो | जनताको समस्या धेरै छन, सिमित श्रोत साधन र कर्मचारी आभावका कारण कामले जति गति लिनुपर्ने त्यो लिन सकेको छैन | आवश्यकता पहिचान गर्दै प्रदेश र केन्द्र सरकारसँग समन्वय गरि अगाडी बढिने ‘ बताउनुभयो |

एक जना अनमी र एक जना अहेब रहने गरि सामुदायिक स्वास्थ्य इकाई स्थापना गरेको माण्डवी गाउँपालिकाको स्वास्थ्य संयोजक ध्रुव पोख्रेल बताउनु भयो | गाउँपालिकाको झन्डै 5 लाख भन्दा बढीको लागतमा सामुदायिक स्वास्थ्य इकाई संचालनमा ल्याइएको उहाले बताउनु भयो |नेपाल सरकारको एक वडा एक स्वास्थ्य चौकीको नीति अनुरुप स्वास्थ्य सेवाको पहुँचभन्दा टाढा रहेका बस्ती तथा समुदायलाई लक्षित गरी सामुदायिक स्वास्थ्य ईकाइ स्थापना गरी रहेको उहाले बताउनु भयो उँहाले भन्नुभयो  ‘जनतालाई पायक पर्ने र ठुलो भूगोलमा बस्ने सर्वसाधारणलाई स्वास्थ्यको सहज पहुँच दिने उद्देश्यका साथ यो वर्ष  वडा नं. 2 ढिकावनमा सामुदायिक स्वास्थ्य इकाई स्थापना गरेका छौ ।

समाजसेवी देवी प्रसाद पौडेलको स्वागत मन्तब्य संगै सुरु भएको कार्यक्रममा गाउँ सभा सदस्यको तर्फबाट शारदा पौडेल, गाउँ कार्यपालिका सदस्य टेक वहादुर कामि , नेकपाका नेता माधव शर्मा , गाउँपालिकाका स्वास्थ्य संयोजक ध्रुव कुमार पोख्रेल , गाउँपालिका उपाध्यक्ष मुगा पुन लगायतले स्वास्थ्य इकाई स्थापना भएपछी सामान्य स्वास्थ्य चेकजाँच र रोगका लागि घन्टौ पैदल हिडेर मर्कावाङ स्वास्थ्य चौकी अथवा देवीस्थान स्वास्थ्य चौकी जानुपर्ने बाध्यता हटेको बताउनुभयो |

सो कार्यक्रमको समापन गर्नुहुदै माण्डवी गाउँपालिका वडा नं. 2 का वडा अध्यक्ष तुल वहादुर थापा मगरले भन्नुभयो स्वास्थ्य सेवाबाट बन्चित यस क्षेत्रका जनतालाई first-Aid service यसै कार्यालयबाट दिनुपर्छ भनेर नै यस क्षेत्रलाई उत्तम स्थान छनौट गरि इकाईको स्थापनामा लागेका हौँ | यस इकाईलाइ आगामी वर्षमा स्तरउन्नति र कर्मचारीको व्यवस्थापन गर्दै धेरै भन्दा धेरै सेवा प्रदान गर्ने गरि अगाडी वढाइने बताउनु भयो |

सो इकाईबाट माण्डवी गाउँपालिकाको वडा नं. 1 को बडेचौर, वडा नं 4 को आपंचौर, मुकचौर, बंगलाचुली गाउँपालिका अन्तर्गतका बाटुले, अमारेका बासिन्दाहरु लाभान्वित हुने भएका छन | सामुदायिक स्वास्थ्य इकाइमा सामान्य स्वास्थ्य परिक्ष, औषधि वितरण, परिवार नियोजनका अस्थायी साधनहरु उपलब्ध हुनेछन | सो कार्यक्रमको उद्घघाटन मर्कावाङ स्वास्थ्य चौकीका अहेव प्रकास योगीलेले गर्नुभएको थियो |