माण्डवी गाउँपालिकाको आयोजनामा गरिबी निवारणका लागि लघु उद्यम विकास कार्यक्रम अन्तर्गत माण्डवी गाउँपालिका -२मर्काबाङ, रातापानीमा एक हप्ते व्यवसायिक टमाटर सस उत्पादन सम्बन्धि सीप विकास तालिम आज  सम्पन्न भएको छ।  वडा अध्यक्ष प्रकाश वलीको अध्यक्षता,गाउँपालिका अध्यक्ष नमराज अधिकारी-रोसन प्रमुख अतिथि र उपाध्यक्ष पुर्ण प्रसाद कालाथोकी विशिष्ट आतिथ्यतामा संचालन भएको कार्यक्रममा होटल व्यवसायी संघ माण्डवी गाउँपालिकाका अध्यक्ष तुल्सिराम केसी, कर्मचारी, जनप्रतिनिधी र सहभागीहरुको उपस्थिति रहेको थियो। कार्यक्रममा अध्यक्ष अधिकारीले माण्डवीका महिला उद्यमशीलतामा पहिला भन्ने अभियानलाइ सफल पार्न गाउँपालिका केन्द्रित रहेको बताउँदै उद्यमशीलतामा जोडिने महिला उद्यमीहरुलाई स्थानीय सरकारले तालिम ,प्रविधि ,वजारीकरण सहित अन्य आवश्यक सहयोग गर्ने बताउनु भएको थियो,उपाध्यक्ष कालाथोकीले उत्पादन साथमा अनुदान हातमा भन्ने अभियान अन्तर्गत उत्पादनमा जोडिने उद्यमीहरुलाई स्थानीय सरकारले सहयोग उपलब्ध गराउने बताउनु भयो। १३ जना सहभागी रहेको तालिम जेठ १२ गते देखि सुरु भएको थियो भने तालिममा प्रशिक्षक नारायण पोख्रेलले रहनुभएको थियो । कार्यक्रमको सञ्चालन लघु उद्यम विकास सहजकर्ता टोपाराम केसीले गर्नु भएको थियो, कार्यक्रममा उद्यमिहरुलाइ सस उद्योग संचालन गर्नेका लागि सामाग्रीहरु समेत हस्तान्तरण गरिएको थियो ।