माण्डवी गाउँपालिकाको १३ औं गाउँ सभा तथा हिउदे अधिवेशन सम्पन्न भएको छ । बिहिबार माण्डवी गाउँपालिकाको सभाहलमा चालू आर्थिक बर्ष ०७९/८० को हाल सम्मको प्रगति विवरण तथा विभिन्न निर्णय गर्दै गाउँपालिकाको १३ औं गाउँसभा तथा हिउँदे अधिवेशन सम्पन्न भएको हो ।

गाउँ सभामा आ.व. २०७९/८० को योजना तथा बजेट रकमान्तर, संशोधन सम्बन्धि विवरण तथा चालू आर्थिक बर्ष ०७९/८० को अहिले सम्मको प्रगति विवरण गाउँपालिका उपाध्यक्ष पूर्ण प्रसाद कालाथोकीले प्रस्तुत गर्नु भएको थियो । बेरुजु सम्बन्धि विवरण लेखा समितिका संयोजक दुर्गा प्रसाद आचार्यले प्रस्तुत गर्नु भएको थियो ।

धन्यवाद ज्ञापन सम्बन्धमा ।

गाउँपालिकास्तरीय पोषण तथा खाध्य सुरक्षा निर्देशक समितिको बैठक तथा अभिमुखीकरण कार्यक्रम सम्पन्न भएको छ । गाउँपालिका अध्यक्ष नमराज अधिकारी ज्यूको अध्यक्षतामा सञ्चालन भएको उक्त कार्यक्रममा गाउँपालिका उपाध्यक्ष पूर्ण प्रसाद कलाथोकी, प्रमुख प्रशासकीय अधिकृत प्रकाश पाण्डे र गाँउपालिकाका विभिन्न शाखाको शाखा प्रमुखहरुको उपस्थित रहेको थियो। कार्यक्रमको सहजीकरण लुम्बिनी प्रदेशका पोषण संयोजक भुमिश्वर शर्माले गर्नुभएको थियो ।

माण्डवी गाउँपालिका, प्यूठानको आयोजनामा संविधान दिवस २०७९ को पुर्वसन्ध्यामा दिप प्रज्वलन गरेको छ । गाउँपालिकाको प्राङ्गणमा भएको कार्यक्रममा जिल्ला समन्वय समिति प्रमुख धरम बहादुर जी.सी ज्यू , जिल्ला प्रशासन कार्यालय प्यूठानका प्रमुख जिल्ला अधिकारी सुनिता नेपाल ज्यू, गाउँपालिका अध्यक्ष नमराज अधिकारी ज्यू , गाउँपालिका उपाध्यक्ष पूर्ण प्रसाद कालाथोकी ज्यू , गाउँपालिका प्रमुख प्रशासकीय अधिकृत प्रकाश पाण्डे ज्यू, गाउँपालिकाका कर्मचारीहरु , ससस्त्र प्रहरी, नेपाल पुलिस लगायतले नेपालको नक्सा, झण्डा वरिपरी दिप प्रज्वलन गरि यो दिवस मनाएको हो।