माण्डवी गाउँपालिकाको आ.व २०७६/०७७ को स्वीकृत कृषि/पशु विकास कार्यक्रम अनुसार कृषिमा आधुनिकरण यान्त्रिकरण गर्दै कृषि उत्पादनमा बिकास गर्ने व्यावसायिक उत्पादन लाइ प्रोत्साहित गर्ने, कृषि उत्पादनमा गाउँपालिकालाई आत्मनिर्भर बनाउने लगायत विभिन्न उदेश्यले गाउँपालिकाले ४ जना व्यवसायिक कृषकहरुलाई मिनीटेलर र रोटाभेटर ७५% अनुदानमा आज एक कार्यक्रमको बीच बितरण गरिएको छ । माण्डवी गाउँपालिका भित्र स्थाई रुपमा बसोबास गरि आफ्नो कृषि पेशालाई आत्मनिर्भरको आधार मानि माण्डवी गाउँपालिकालाई कृषिबाट नेपालमा चिनाउने र कृषिमा पेशा पनि समाज परिवर्तनको आधार हो भनि आफु पनि काम गरि अरु युवाहरुलाई पनि कृषि पेशामा लाग्ने
समाचार
ग्यालरी
माण्डवी गाउँपालिकाको आ.व २०७६/०७७ को मुख्यमन्त्री तथा ग्रामिण विकास कार्यक्रम अन्तर्गत गाउँपालिका भित्र रहेका व्यवसायिक कृषकहरुका लागि प्लास्टिक टनेल वितरण आज मिति २०७७/०३/२१ गते माण्डवी गाउँपालिका ३ देवीस्थानको सहकारी भवनमा एक कार्यक्रम गरी सम्पन्न भएको छ ।
कोरोना भाइरस रोकथाम तथा नियन्त्रण गर्न माण्डवी गाउँपालिका ले आफ्ना गाउँपालिका भित्रका बिभिन्न स्थानमा औषधि छर्कन सुरु गरेको छ । बजार क्षेत्र र बढी भिडभाड हुने क्षेत्रमा औषधि छर्कन सुरु गरेको हो । जस्पुर बजार , चोक, बैंक , क्वारेन्टाइन क्षेत्र लगायत अन्य भिडभाड हुने स्थान वरिपरि औषधि स्प्रे गरेको छ । अहिलेको मौसममा बिभिन्न खाले भाइरल ज्वरो लाग्ने लगायत कोरोना को संक्रमण फैलन सक्ने भएकाले औषधि छर्ने काम सुरु गरिएको हो । कोरोना संक्रमण फैलन नदिन आवश्यकता अनुसार बजार तथा भिडभाड हुने सबै ठाउँमा औषधि छर्कने काम सुरु भइरहेको छ ।
विश्व व्यापी रुपमा फैलिएको कोरोना भाइरलका कारण नेपाल सरकारले नेपाल भर लकडाउन गरेको हुँदा नेपालमा दैनिक रुपमा ज्याला मजदुरी गरि खाने अति बिपन्न घर परिवारको लागि खाद्य सामाग्री बितरण गर्ने भनी माण्डवी गाउँपालिका जस्पुर प्यूठान को मिति २०७६/१२/१४ गते बसेको कार्यपालिका बैठकको निर्णय अनुसार यस माण्डवी गा पा ३ न. वडा बस्ने २५ घर परिवारलाई ३७.५ किलो चामल ,३ किलो दाल,१किलो नुन १लिटर तेल वितरण गरिएको छ ।
माण्डवी गाउँपालिका प्यूठानले आर्थिक वर्ष २०७५/०७६ को तेश्रो चौमासिक सार्वजनिक सुनुवाइ कार्यक्रम देवीस्थान स्थित रहेको नवनिर्मित बहुद्धेशीय सभाहलको उद्घाटन गरी सोहि हलमा सम्पन्न गरेको छ | गाउँपालिका सन्चालन गरेका वर्ष भरीका योजना तथा गाउँपालिकाले प्रदान गरेका सेवा सुविधाबारे सार्वजनिक सुनुवाइ गरीएको हो ।
माण्डवी गाउँपालिका पशु सेवा शाखाका पशु सेवा संयोजक पदमा रही आफ्नो लामो अनुभव, विज्ञता तथा काम प्रतिको लगनशिलता र सेवाग्राही मैत्री कार्य संस्कृतिका कारण यस कार्यालय बाट हुने सार्बजनिक सेवा लाई प्रभावकारी बनाउन अमुल्य योगदान गर्नु भएका श्री केशव गिरी गढवा गाउँपालिका दाङमा समायोजन भइ जानुभएकोमा उहाँको बिदाईका केहि झलक हरु:
माण्डवी गाउँपालिका भित्र रहेका बचत तथा ऋण कृषि सहकारी संस्थाबीच अन्तरक्रिया कार्यक्रम सम्पन्न भएको छ | माण्डवी गाउँपालिकाको आयोजनामा गाउँपालिका क्षेत्र भित्र रहेका सहकारी संस्थाहरुसँग अन्तरक्रिया कार्यक्रम गरिएको हो |
उक्त अन्तरक्रिया कार्यक्रममा गाउँपालिकाले तयार परेको सहकारी नीति ,संघीय सरकारले ल्याएको सहकारी नीति, ऐन , नियमावली तथा दर्ता प्रक्रिया जस्ता बिषयहरुमा छलफल गरिएको थियो | गाउँपालिकाले आगामी वर्षमा ल्याउने बजेट , नीति तथा कार्यक्रम कस्ट गर्ने जस्ता विषयमा छलफल गरिएको थियो |
माण्डवी गाउँपालिका वडा नं.३ स्थित जस्पुरमा संचालित मिलन कृषि पाठशाला समापन तथा प्रमाणपत्र वितरण कार्यक्रम सम्पन्न भएको छ | माण्डवी गाउँपालिकाको रु. १ लाख आर्थिक सहयोगमा सो पाठशाला सन्चालन गरिएको हो |
मुख्यतय उक्त कार्यक्रम महिलाहरुलाई कसरि कृषि उत्पादन र व्यवसायीक रुपमा कसरि गर्न सकिन्छ भनेर प्रयोगात्मक रुपमा संचालन गरिएको हो |