माण्डवी गाउँपालिका, प्यूठानको आयोजनामा स्थानीय तहका उपप्रमुख/उपाध्यक्षहरु संयोजक रहेको प्यूठान जिल्ला अन्त्तरपालिका स्तरीय न्यायिक समितिको चौथो बैठक भदौ १९ गते सम्पन्न भएको छ । हरेक महिनामा न्यायिक समितिका संयोजकहरुले आ–आफ्नो पालिकामा आएको उजुरी तथा न्याय सम्पादनको विषयमा भोगेका भोगाईहरु एक अर्कामा जानकारी गराउने तथा सिकाई आदान प्रदान गर्ने उद्देश्यले बैठकको आयोजना गर्ने गरिएको हो ।

माण्डवी गाउँपालिकाले आर्थिक वर्ष २०७९/०८० मा सम्पादित स्वास्थ्य कार्यक्रमहरुको पालिका स्तरीय वार्षिक समीक्षा गोष्ठी सम्पन्न गरेको छ । गाउँपालिका अध्यक्ष नमराज अधिकारी ज्यूको अध्यक्षतामा मिति २०८०/०५/१० गते संचालन भएको गोष्ठीमा सहभागी गाउँपालिका अन्तर्गतका ५ वटै  वडामा रहेका स्वास्थ्य चौकी प्रमुखहरुले गत आ.व मा आ–आफ्नो वडामा भए गरेका स्वास्थ्य कार्यक्रम तथा प्रगति विवरण प्रस्तुत गर्नुभएको थियो ।

माण्डवी गाउँपालिकाको आयोजनामा आज मिति २०८०/०५/०१ गते यस माण्डवी  गाउँपालिकाको आ.व. २०७९/८० को वार्षिक समीक्षा कार्यक्रम सम्पन्न भएको छ  । गाउँपालिका अध्यक्ष नमराज अधिकारी ज्यूको अध्यक्षतामा भएको कार्यक्रममा गाउँपालिका उपाध्यक्ष श्री पूर्ण प्रसाद कलाथोकी ज्यू, सम्पूर्ण कार्यपालिका सदस्य ज्यूहरु, प्रमुख प्रशासकीय अधिकृत ज्यू, शाखा प्रमुख ज्यूहरुको उपस्थितिमा आ-आफ्नो शाखा प्रमुखहरुले आ.व २०७९/८० मा सम्पादित कार्यहरुको प्रगति प्रस्ततिकरण गर्नु भएको थियो ।