माण्डवी गाउँपालिकाको आयोजनामा दोश्रो राष्ट्रपति रनिङ शिल्ड प्रतियोगिता सुरु भएको छ । माण्डवी गाउँपालिका अध्यक्ष श्री नमराज अधिकारी ज्यूको अध्यक्षतामा गाउँपालिकाको खेलकूद मैदान मार्सीबाङमा संचालन भएको कार्यक्रमको प्रमुख अतिथि लुम्बिनी प्रदेशका माननीय उद्योग तथा यातायात व्यवस्था मन्त्री सरोज थापाले उद्घाटन गर्नुभएको थियो।

"सुरक्षित मातृत्व हामी सबैको दायित्व, स्वास्थ्य संस्थामा हुने सुत्केरी दिगो बनाऊ सधैं भरी" भन्ने मूल नाराका साथ माण्डवी गाउँपालिका  प्युठानले आज एक कार्यक्रम गरि माण्डवी गाउँपालिका वडा नं.-२ मर्काबाङलाई पुर्ण सुरक्षित मातृत्व सेवायुक्त वडा घोषणा गरेको छ ।

माण्डवी गाउँपालिकाले चालु आर्थिक वर्ष २०८०/०८१ मा उपभोक्ता समिति मार्फत सञ्चालन हुने योजना प्रभावकारी र गुणस्तरिय रुपमा सञ्चालन गर्न वडा स्तरमा उपभोक्ता समितिका पदाधिकारीहरुलाई अभिमुखिकरण कार्यक्रमको साथ साथै एकमुष्ट रुपमा योजनाको सम्झौता र बैंकको सहकार्यमा उपभोक्ता समितिको खाता संचालन गर्ने कार्यक्रम सञ्चालन गरेको छ ।

माण्डवी गाउँपालिका प्यूठानका प्रमुख प्रशासकीय अधिकृत श्री प्रकाश पाण्डे ज्यूको अध्यक्षतामा माण्डवी गाउँपालिकामा कार्यरत कर्मचारीहरुको बैठक सम्पन्न भएको छ। बैठकमा विषयगत शाखा प्रमुख, प्राविधिक कर्मचारी,वडा सचिव ,स्वास्थ्य प्रमुख लगाएत कर्मचारीको उपस्थित थियो । कर्मचारीहरुले बैठकमा शाखा र वडा कार्यालयबाट आर्थिक वर्ष २०८०/०८१ को हालसम्म सम्मको एकमुष्ट प्रगति विवरण प्रस्तुत गर्नुभएको थियो ।
 साथै माण्डवी गाउँपालिका कृषि विकास शाखामा कार्यरत कृषि अधिकृत श्री विदुशा आचार्यको फेरि भेटौला कार्यक्रम मार्फत विदाई र कृषि स्नातक प्राविधि श्री सनत के.सीलाई  स्वागत समेत गरिएको छ ।